Sonshine Ranch Part 2

U scho esch wieder e Monet ume sett mim letzte Blogitrag.
Die Zyt geit leider eifach viu zschnäu verbi.
Mer gfauts immer na sehr guet hie in Neuseeland.
Aber d’Tatsach, dass i scho öber dr Häufti vo mire Zyt da uf de Farm bi, macht mi chli trurig. 😔
Aber es send no so viu tolli Sache plant für die Zyt, woni na uf dr Ranch bi, dass i die Zyt na rechtig gnüsse u nach dr Ranch wartet ja de o es sehr spannends u cools Kapitu mit dr Stefi. 😘

Es esch bau schwerig z’verzeue, was im letzte Monet so erläbt ha, da i wie die meiste vo üch eifach 5 Täg ir Wuche gschaffet u d’Wucheend bruchte ha zum mi vor Wuche z’erhole, o wenn viu dänked, mini Arbet hie seg ned wörklech sträng. 😉

Vellech überzügt ja das Projekt u d’Biuder, dass d’Arbeit hie ned immer nome easy, sonder o chräftezärend esch. 😉
Mer send involviert id Renovation vomne Stau u dr Umgäbig.
Damet aues „Health & Safety“ grächt esch, muess en Stützmuur baut werde. Das macht me da in Neuseeland ganz eifach mit alte Autoreife, wo mit Ärde gföut wärde. ☺️

Aber o wenns astränged esch, liebi d’Arbeit dusse ir Natur u ar frische Luft. I glaube, dass werd eine vo de schwerste Pönkt, wenn i wieder dihei bi u im Büro inne mues schaffe… 😬

Einisch amene Sonntig si mer nach Port Waikato gange, wo mer ines Hus vo Bekannte hei chönne. De Beach esch bekannt für sini grosse Wäue, wo perfekt si für Boogie Boarden. Mer hei de ganzi Nami im Wasser verbracht u es esch eifach super gsi.

Port Waikato 3
Das esch d’Ussicht vom Hügel ir Nächi.

Am letzte Samstig hei mer en Beachride chönne mache and it was just amazing. 😍
So en Usritt hani scho immer mau wöue mache u jetzt hets ändli klappet. ☺️

Beach Ride

Einisch amene Wucheend hei mer en Usflug uf de Mt. Eden gmacht. Das esch eine vo de „Vulkanbärge“ in Auckland u vo dert het me en wunderschöni Ussicht uf d’Skyline vo Auckland.

Mt. Eden 1