Nachere Nacht in Waitomo hei mer am Mittag i de Ruakuri Cave e Raftingtour gmacht. Mer hei näbst beiidrockende Höhle met Tropfsteine ganz viu Glühewörmli gseh. Es het usgseh wie en Himmu mit gaanz viu Sterne. Just awesome. 😍
Leider het me kei Camera dörfe mitneh u so gits jetzt leider kei Fotis vor Höhli inne sondern nome Ussefotis…
Die nächste 3 Täg hei mer in Rotorua verbrocht. Mer hei hie es wunderbars Motel gha ir Nächi vor Stadt. Wär scho mau z’Rotorua gsi esch, weiss, dass dert rächt e spezieue Duft ir Luft liet… 😀
Hie gets ganz viu natürlechi Thermalquellene, wo Schwäfugas verdunstet. Entsprechend schmöckt me das o ir ganze Stadt.
Aber nachmene Tag het me sech scho chli a dä Gschack gwöhnt u s’esch scho nöm so schlimm.
Nachere eher lange Autofahrt hei mer a üsem erste Abe in Rotorua d’Stadt na mit em Velo erforscht u mau chli erchondet, wo sich was befindet.
Am Fritig hei mer s’Museum vo Rotorua bsuecht. Das Muesum isch im früherige Badehuus vo Rotorua igrichtet.
De Mäntig het viuversprächend agfange. Mer hei imene Bed & Breakfast es wunderbars z’Morge mit Müesli, Toast, Ei, Speck u auem, wo sösch na zumene guete z’Morge ghört becho. Nach em z’Morge hei mer üs de vouer Vorfreud uf nach Cape Reinga (nördlechst Punkt vor Nordinsle) gmacht.
So hettis söue usgseh 😍
Am Donnstig esch üsi Reis witergange. Vom Hotel si mer met em Bus zum Bahnhof gfahre, wo mer en Aschlusszug a Flughafe hei gha. Uf üsere Fahrt hei mer nomau „China Live“ erläbt. ☺️
Nachere eher chorze Nacht hend mer eus am Mäntig uf de Wäg rechtig Flughafe Züri gmacht. Nachdem mer s’Gepäck ufgäh und bemene Kaffi na üsi letzte Minute ir Schwiiz gnosse händ gha, hei mer üs richtig Gate E begäh, wo mer de o zimli gli hend chönne istiege.
Härzlech Wiukomme!
Egau öb di nome d’Biuder intresssiere oder öb’s di intressiert, woni grad was am mache bi, schön nehmsch dir Zyt zum mi Blog z’bsueche. 😀