It’s already mid of April u da het e bsunderi Bedütig für me. Einersits beni jetzt scho ir Haubzyt acho. 3 ganzi Mönet bini underwegs (es chonnt mer vor wie 1 Wuche 🙈) u es warted na 3 spannendi Mönet uf mi. Anderersiits endet min Isatz uf de Sonshine Ranch leider ines paar Täg, aber da bedütet glichzytig, dass mini liebi Stefi chunnt. 😍

Aber jetzt luegi na uf mini letzte paar Wuchene zrugg.

Da dLüt o hie in Neuseeland Ostere fyred, hei mer 4 Tag frei gha. Es paar vom Kurs hei sich drum zäme ta u mer hend üs entschiede, dass üse Trip zum Cape Reinga geit. Woni erfahre ha, dass i d’Chance ha ds Cape Reinga o no bi schönem Wetter z’gseh hani natürli grad Ja gseit. 😀 

Am Karfritig si mer de met emene voue Auto Richtig Norde abgfahre. Mer hei üs entschiede, dass die ersti Etappe bis Paihia geit. Underwegs hei mer bi de Whangarei Falls en Zwüschehaut igleit.

Wenn üch die Biuder jetzt bekannt vorchömed: Gratuliere ihr läsed resp. verfouged min Blog gröndlech. Da beni nömli scho mau gsi 😉 Nome esches s’letzt Mau e chli schöner gsi, aber das esch vou okei gsi, wiu i ja super Ussichte gha ha für ds Cape Reinga. 

Nach dem Stopp hei mr de üsi Fahrt fortgsetzt u sie gäg de Nami guet in Paihia acho, wo mer üse Zäutplatz gsuecht hei u üs igrichtet hei. Nachmene Nickerli si mer na is Städtli ga es Glace esse u später hei mer de ufem Campingplatz kochet. 

Am Samstig het üs nachere guete Nacht die Ussicht erwartet. 😍

Am Samstig si mer när Rechtig Cape Reinga ufbroche.
Nachere vierstündige Fahrt si mer bi üsem Campingplatz gsi, wo nome es paar Minute vom Cape entfernt gsi esch. Mer hei üses Zöut ufbaut u nachmene chline Päuseli hei mer üs de endli ufgmacht zum Cape Reinga.
Die ganzi Autofahrt het sich aso meh aus glohnt gha, woni de d’Usicht gseh ha. 

Nachdem mer unzähligi Fotis gschosse hend gha, send mer an Beach abeglofe u hei dert de Rest vom Nami verbracht.
Underanderem mit Fotis mache. 😂

Am Abig si mer de für de Sunset wieder zum Lüchtturm ufe.
Das esch AMAZING gsi. 😍

Am Ostersonntig si mer ganz frühe am Morge nomau zum Lüchtturm ufe ga de Sonneufgang luege.
I glaube e schönere Morge für de Ostersunntig hetti mer gar ned chönne vorsteue. 😍

Nach üsem Usflug zum Cape Reinga hei mer ufem Campingplatz fein brunchet. Sogar en rechtige Schwizerzopf hei mer debi gha. 😍Nachdem mer aues zämepackt gha hend, si mer ufbroche u hei ganz ir Nächi en Stopp igleit für zum ga Boarde uf de naheglägene Sanddüne.

Ja u nach däm Stopp si mer de ohni witere Haut bis nach Whangarei gfahre, wo mer leider scho üsi letzti Nacht verbrocht hend.

Am Ostermäntig si mer nachmene Stopp im Manuka Honey Center u ir Caribean Bucht aui guet uf dr Ranch acho. 

I ha es wunderschöns Osterwucheend gha mit viu schöne Erläbnis, aber o mit Momente, wo mer üs a de wörklechi Grund vo Ostere erinneret hend: s’Sterbe u d’Uferstehig vo Jesus.

Denn es Wucheend später hei mer üs uf üse Bushtrip ufgmacht rechtig Turangi.
Rechtig o da beni scho mau gsi. 😀

Am Sonntigmorge si mer abgfahre u nach öbe 4 Stund in Turangi uf üsem Freedom Campingplatz acho. Das heisst für 3 Täg kei Duschi u nur Natur-WC. Mer hei üsi Zäut ufbaut u nachdem mer aues igrechtet hei gha, hei mer üs uf d’Jagd nach Hirsche gmacht.
Üsi zwöi Begleiter tüend lideschaftlich gärn jage u so hei mer ds Privileg gha, sie dörfe z’begleite.
Nachere leider erfougslose Jagd het es Barbecue u Marschmellows am Lagerfüür gä.

Am Mäntigmorge hei mer üs nachmene 5 Stärn z’Morge inkluisv Pancakes parat gmacht für üsi Rafting Tour.

Aui die hani scho mau gmacht gha, aber das het mer gar nüt usgmacht. Esch nomau es super Erläbnis gsi u vorauem hend mer de glich na d’Glägeheit uf ne Duschi gha. 😃

Am Abig hets ChiliconCarne vom Füür gä u mer si de scho am 8ti im Zäut gsi parat zum Schlafe. Ned öbe wius üs langwillig wär gsi, sondern wiu mer gnue Energie hei wöue ha für üsi Tongariro Alpine Crossing vom nächste Tag. 

Am Ziistig het de Tag scho am 5ii agfange. Nachdem mer aui Zäut zämegrumt u z’Morge gesse hend gha, si mer abgfahre u hei üsi Wanderig am 7nii gstarted. Die Wanderig esch rächt bekannt u so si mer ned ganz die Einzige gsi. 😀
Im Grosse u Ganze eschs sehr schön gsi. De ersti Teil vor Wanderig esch e chli kahl u grau gsi, aber i meine mir Schwizer si o chli verwöhnt met üsne Bärge. 😀
So zrug zu üsere Wanderig. Nach öbe drüehaub Stund hei mer s’Top (leider im tüfste Näbu) erreicht u so hei mer üsi Wanderig zimli gli fortgsetzt. Sobaud mer de weder e Spot ar Sonne erreicht hend, hei mer üse Lunchbreak gmacht, bevor mer üs de uf de Abstieg gmacht hend. De zwöiti Teil vor Wanderig esch wunderschön gsi.
U so si mer nach öbe 7 Stund wieder dunde acho u hei üs uf d’Heifahrt begä. 😃

So het de Wäg am Afang usgseh. Wie gseit ned wörklech e farbigi, aber glich no en intressanti Umgäbig.

Ussicht u Zuestand nach öbe 2 Stunde laufe.  😀

Das esch zimli bim höchste Punkt gsi. Leider total näblig u nass.

D’Sicht wird langsam wieder besser. 😀

Vo da abwärts hei mer wieder Sonne u e wunderschöni Ussicht gha.

Foto danach. 😀

Mis letzte Wucheend hani da uf dr Ranch verbracht u die letzte freie Minute gnosse.

Am Samstig Nami hei mer üs am Climbing Tower chönne versueche, üses Teamwork ar Leitere teste u üs gägesitig challenge. Das esch echt sehr cool gsi u het mega Spass gmacht. 😍

Ja so geit mini Zyt hie uf dr Ranch langsam z’End. Am Mittwoch hei mer na üsi Graduation hie uf dr Ranch. Wenni zrugg luege, chani säge, dass i mega viu Neus glert ha. Neus betreffend Arbeit, Neus über Gott u Neus über me säuber.
Die Zyt hie werd mer immer guet in Erinnerig bliebe u i dänke sehr gärn zrug a au die Erläbnis.

Am Fritig starte de d’Stefi u i üses gmeinsame Abentür.
I freue mi mega fest uf sie u di nächste drü Mönet met ihre.😍